Kriza energjitike prek futbollin gjerman, disa stadiume mund të mbyllen në dimër

Kriza energjetike që ka shkaktuar konflikti mes Rusisë dhe Ukrainës nuk ka kursyer as klubin e Bajernit, duke prekur tempullin e tyre “Allianz Arena”.

Nëse aktivizohet plani i urgjencës së gazit, stadiumet e Bundesligës rrezikojnë gjithashtu të mbyllen në dimër, shkruan “Sportbild”.

9 nga 18 impiantet e skuadrave kanë ngrohës fushe me gaz, që mund të nënkuptojë se ndeshjet në vitin 2023 mund të anulohen për shkak të borës dhe akullit nëse rubineti i gazit do rrotullohet.

Zëvendësi i bordit të Bajernit, Jan-Kristian Drezen, pranoi marrjen e masave. Ndriçimi i stadiumit natën do të mbahet ndezur vetëm për 3 orë pas rënies së natës, por edhe kondicionerët do të fiken.

LEXONI GJITHASHTU

• Dy klube të mëdha italiane në garë për shqiptarin, Berat Gjimshiti
• Premier League, jo më gjunjëzim para fillimit të ndeshjeve
• Kush janë 4 shtetet që mund të mirëpresin Kupën e Botës 2030