Rreth 4 orë në SPAK për inceneratorin, Subashi: Vij sa herë të më kërkojnë

Kryebashkiaku i Fierit, Armando Subashi ka qëndruar rreth 4 orë në SPAK, ku ishte thirrur për të dhënë dëshminë e tij lidhur me inceneratorin e Fierit.

I pyetur nga mediat pas daljes nga prokuroria, Subashi është treguar i rezervuar duke thënë se deklarimet e tij janë pjesë e sekretit hetimor.

Ai u shpreh i gatshëm të shkojë në prokurori sa herë që të jetë nevoja për dëshminë e tij.

Edhe pse nga buxheti i shtetit janë paguar lekët, mbetjet nuk kanë filluar të digjen ende në inceneratotrin e Tiranës dhe Fierit.

Burime nga SPAK bëjnë me dije se deputeti i PS-së dhe ish-sekretar i përgjithshëm i ministrisë së Mjedisit Alqi Bllako është marrë gjithashtu në pyetje, për po të njëjtën çështje.