Kryebashkiaku i Moskës: 200 mijë vende pune në rrezik për shkak të sanksioneve

Kryebashkiaku i Moskës, Sergey Sobyanin tha se rreth 200 mijë persona mund të humbasin punën në kryeqytetin rus, për shkak të sanksioneve të vendosura nga Perëndimi teksa kompanitë e huaja po largohen nga vendi.

Autoritetet ruse miratuan një program prej 41 milionë dollarësh për të ndihmuar punësimin në Moskë.

Sipas Sobyanin, ky program ka për qëllim të ofrojë trajnime dhe punë të përkohshme, shkruan CNN.

Qindra kompani perëndimore kanë njoftuar se do të pezullojnë aktivitetet e tyre në Rusi pas vendosjes së sanksioneve nga Bashkimi Europian kundër Moskës, për shkak të pushtimit të Ukrainës.

Presidenti rus, Vladimir Putin deklaroi sot se vendet perëndimore po i bëjnë dëm vetes me sanksionet e vendosura ndaj Rusisë, duke çuar në përkeqësim ekonominë perëndimore.

LEXONI GJITHASHTU

• Sanksionet ndaj Rusisë përkeqësojnë ekonominë perëndimore, thotë Putin
• BE paralajmëron sanksione ndaj bankës më të madhe ruse