Kryeministri britanik: Shkoj në spitale private 

Kryeministri i Britanisë së Madhe ka pranuar se ka shkuar privatisht te mjeku, pasi disa herë ka refuzuar t’i përgjigjet pyetjes nëse ka përdorur shërbimet e shëndetësisë private, raporton “Independent”.

Sunak tha gjatë një debati të nxehtë në atë Dhomën e Parlamentit se ai përdorte shërbime shëndetësore “të pavarura”, jashtë Sistemit Kombëtar të Shëndetit (NHS).

“Kam një kartë në qendrën shëndetësore shtetërore. Kam përdorur një shërbim të pavarur shëndetësor në të kaluarën, por gjithashtu i jam mirënjohës Spitalit Friarage për shërbimin fantastik që i ka ofruar familjes sime në vitet e mëparshme”, theksoi Sunak.

Ai shtoi se vjen nga një familje në të cilën ka anëtarë të sistemit shëndetësor publik dhe për këtë arsye është “i përkushtuar me pasion” për të ofruar kushte maksimale për spitalet shtetërore, duke përfshirë më shumë mjekë, infermierë dhe pritje më të shkurtra për shërbime.

LEXONI GJITHASHTU:

• Britania ligj kundër grevave: Standardi minimal i shërbimit të jetë i garantuar
• Dy shtetas britanikë zhduken në Ukrainë