“Fatos Tushe do të përjashtohet nga PS”, Rama paralajmëron kryebashkiakët për prokurimet publike

Kryeministri Edi Rama deklaroi se kryetari i Bashkisë Lushnjë, Fatos Tushe do të përjashtohet nga Partia Socialiste si dhe do të shkarkohet nga kjo detyrë.

Në takimin me kryetarët e bashkive ai u bëri thirrje  që “t’i vënë gishtin kokës” sepse të tilla masa do të merren për të gjithë përgjegjësit e taksave që paguajnë qytetarët.

Rama njoftoi gjithashtu se paketa e re e prokurimit publik ka hyrë në fuqi dhe kryetarët e bashkive janë përgjegjësit direkt për mirëmenaxhimin apo keqmenaxhimin e fondeve publike.

“Ju ftoj ta studioni këtë paketë, ju kërkoj të mos përziheni dhe të mos favorizoni, të mos luani me një zjarr që do të bëhet gjithmonë e më përvëlues kur drejtësia e re do të ketë mbështetjen time dhe të Partisë Socialiste, kundër kujtdo që do luajë me zjarrin,” – deklaroi kryeministri.

Ai e cilësoi këtë hap të rëndësishëm për rritjen e transparencës së sistemit të prokurimeve në vend.

LEXONI GJITHASHTU:

• “PS nuk është mbulesa e askujt”, kryeministri Rama reagon pas arrestimit të kryebashkiakut të Lushnjës
• “Keni 100 ditë kohë”, kryeministri Rama paralajmëron ristrukturim të policisë së shtetit
• Kryeministri Rama shpalos prioritetet e Shqipërisë gjatë mandatit në Këshillin e Sigurimit