Kryeministri Rama në maternitetin “Koço Gliozheni”, viziton bebet e para që erdhën bashkë me vitin 2021

Meri, është emri i bebes së parë që erdhi bashkë me Vitin e Ri 2021.

Kryeministri Rama së bashku me ministren Ogerta Manastirliu bënë një vizitë mëngjesin e 1 janarit për të vizituar nënat që sollën në jetë bebet e para të vitit.

Një vit me fat e konsideroi kryeministri duke qenë se në jetë të parat kanë ardhur disa vogëlushe.

Në orët e para të vitit kanë lindur 14 bebe ndërkohë që ata që kanë përfituar çekun e bebes janë gjithsej 34 mijë të porsalindur, siç tha dhe Manastirliu.

Pasi shkoi nëpër dhoma me një tufë me lule, dhurata dhe çekun kryeministri nuk harroi të rikujtonte stafin mjekësor për rritjen e pagave me 40%.

“Këtë muaj 40% plus dhe çdo muaj. Besoj është e konsiderueshme si rritje. Të jeni mirë me shëndet e me mbarësi,” – tha Rama.