Kryeministrja e Serbisë reagon për deklaratën e Ramës në OKB rreth njohjes së Kosovës

Kryeministrja e Serbisë, Ana Brnabiç ka reaguar ndaj thirrjes së kryeministrit Edi Rama në OKB për njohjen e Kosovës.

Brnabiç theksoi se deklarata të tilla nuk janë të mira për sigurisë rajonale dhe se “disa e përdorin atë podium për pikë politike”.

“Përgjigja më e mirë u dha nga Sekretari i Përgjithshëm i OKB-së, Antonio Guterres, fjalia e parë në takimin me mua ishte ‘Kosova nuk është shtet për ne’. Kjo është përgjigja më e mirë dhe më diplomatike. Unë nuk shoh se çfarë duhet të ndërhyjë si kryeministër, ministër në punët e brendshme të një shteti tjetër”, deklaroi ajo për Tanjug, kur u pyet për të komentuar deklaratën e Edi Ramës.

Brnabiç vuri në dukje se dhuna që po ndodh në Kosovë dhe Metohi arriti kulmin në fillim të kësaj jave.

Mbrëmjen e së enjtes, kryeministri Edi Rama gjatë fjalës në Asamblenë e Përgjithshme të OKB-së u bëri thirrje vendeve anëtare që të njohin pavarësinë e Kosovës.

“Kjo Asamble e madhe nuk është dhe nuk do të jetë e plotë pa një prej shteteve të rajonit tonë, Republikën e Kosovës”, deklaroi kryeministri i Shqipërisë.

Rama tha se në 13 vite pavarësi të Kosovës, ajo i ka sjellë më shumë paqe dhe stabilitet rajonit të Ballkanit Perëndimor.

LEXONI GJITHASHTU:

• Rama thirrje OKB-së për njohjen e Kosovës: Kjo Asamble nuk do të jetë e plotë
• Serbët sulm me granata në veri të Kosovës, shkak reciprociteti për targat