Kryeprokurori Olsian Çela ”normon” dekriminalizimin, nxjerr udhëzim pak muaj para zgjedhjeve

Katër muaj para zgjedhjeve parlamentare, Prokurori i Përgjithshëm Olsian Çela ka udhëzuar prokurorët mbi unifikimin e procedurale për verifikimin e të dhënave të formularit të dekriminalizimit.

Udhëzimi normon zbatimin e procesit të rregullt ligjor brenda afateve të përcaktuara në ligjin për garantimin e integritetit të personave që zgjidhen, emërohen ose ushtrojnë funksione publike.

Në udhëzim, Çela paralajmëron se moszbatimi i këtij udhëzimi mund të përbëjë shkelje disiplinore ose nisje verifikimi për punonjësit e sektorit të dekriminalizimit.

 Në jo pak raste opozita ka shigjetuar prokurorinë për vonesa lidhur me verifikimet sa i takon dekriminalizimit.