Ku ndodhej Trump në momentin që u shpall fituesi i garës presidenciale?

7 Nëntor 2020 | 22:44

Presidenti i Shteteve të Bashkuara Donald Trump ishte në fushën e tij të golfit në Sterling të Virxhinias në momentin që kundërshtari i tij Joe Biden u shpall fituesi i zgjedhjeve presidenciale.

Elektorati amerikan ka votuar në masë kundër udhëheqjes së presidentit aktual dhe kanë përkrahur premtimet e Biden për luftën kundër pandemisë dhe përmirësimit të ekonomisë në një komb thellësisht të përçarë.

Fitorja në shtetin e Pensilvanisë i dha kandidatit Demokrat më shumë vota nga ç ‘nevojiteshin, gjë që i ka shtyrë mediat vendase ta shpallnin atë fitues katër ditë pas zgjedhjeve.

Teksa Trump po rikthehej në shtëpi, ai është përshëndetur nga një turmë mbështetësish të tij.

Trump vazhdon të këmbëngulë se gara nuk ka mbaruar ende dhe ka ngritur një sërë padish për të sfiduar rezultatin, por autoritetet elektorale janë shprehur se nuk ka prova bindëse për manipulimin e zgjedhjeve.

 

Lexoni gjithashtu

Home Kryefaqja
Shiko në: YouTube
Lajme të Sugjeruara