Kukësi thyen Vllazninë në Shkodër, Partizani shpartallon Skënderbeun

Vllaznia ka pësuar humbjen e parë në kampionat, teksa u mund nga Kukësi në ndeshjen e javës së pestë të Superiores me rezultatin 2-4. Shkodranët shënuan të parët me Dungën, por më pas skuadra e drejtuar nga Rrahman Hallaçi realizoi dy gola pa u mbyllur pjesa e parë nga Agim Ibraimi.

Në pjesën e dytë Eze realizoi golin e tretë, por pak minuta më vonë Hoxhaj riktheu shkodranët në lojë, duke ngushtuar diferencat.

Për të vulosur gjithçka mendoi Limaj, që në limitet e takimit shënoi golin e sigurisë. Kjo është humbja e parë për shkodranët, ndërsa Kukësi regjistron suksesin e dytë radhazi dhe tashmë e sheh veten në kuotën e 7 pikëve, 3 me pak se vendi i parë.

Partizani ka regjistruar një fitore të thellë 4-0 ndaj Skënderbeut.

Skuadra e Ilir Dajës dominoi në takimin me korccarët dhe tashmë e sheh veten në vendin e parë në renditje me 10 pikë, po aq sa dhe Vllaznia.

Tirana në anën tjetër nuk shkoi  më shumë se një barazim 1-1 me Kastriotin në javën e pestë të Superiore. Edhe pse skuadra bardheblu shënoi e para, me anë të Muçit, De Silva realizoi golin e barazimit.

Skuadra krutane vijon të jetë e pathyeshme, pas pesë javësh, duke u pozicionuar momentalisht në vendin e dytë të kampionatit, ndërsa kampionët në fuqi nuk fitojnë prej katër ndeshjesh.

 Në takimet e tjera, Teuta barazoi pa gola në transfertë me Bylisin , ndërsa Laçi mori fitoren e parë sezonale, duke mundur me rezultatin e thellë 6-1 Apoloninë.