Kultivonin kanabis në një fshat të Tiranës, policia arreston grupin prej 7 personash

Policia arrestoi sot për kultivim kanabisi 7 persona, mes të cilëve kryeplakun e fshatit Kryezi në Tiranë.

Në një njoftim për shtyp, policia tha se pas një hetimi katër-mujor arrestoi:

1. 1. 1. Lulzim Cullhajn, 55 vjeç,
      2. Gert Gjoshi, 36 vjeç,
      3. Dashamir Hasanajn, 34 vjeç,
      4. Kadri Gjoshi, 32 vjeç,
      5. Xhemal Hidri, 32 vjeç,
      6. Alfred Muça, 31 vjeç,
      7. Erdit Muça, 21 vjeç,

Ata akuzohen se në bashkëpunim “kanë kultivuar në fshatin Kryezi, një numër të konsiderueshëm bimësh narkotike të cilat u asgjësuan me djegie gjatë operacionit policor”.

Fshati Kryezi ndodhet rreth 40 kilometra në juglindje të qendrës së Tiranës pranë kanionit të Erzenit.

Policia tha se gjatë kontrolleve u gjeti të arrestuarve një kallashnikov, tre pushkë, një pistoletë dhe municione. Grupi dyshohet se qe përpjekur të kultivonte kanabis edhe një vit më parë.