Kume: Protesta e opozitës presion ndaj SPAK. E kundërshton gazetarja

Protesta që do të zhvillohet të martën nga opozita është kthyer temë debati mes gazetarëve Mariglen Kume dhe Danjela Maloku, në studion e Euronews Albania.

Kume tha se protesta është presion ndaj SPAK, ndërsa shtoi se kauza e përbashkët e PL dhe PD është rrëzimi i Edi Rama. Gjithashtu ai theksoi se mënyrat se si do të bëjnë opozitën këto dy parti janë të ndryshme.

Pjesë nga biseda:

Mariglen Kume: Kauza e përbashkët e tyre është rrëzimi i Edi Ramës, por mënyra se si ato të dy do e bëjnë opozitën janë të ndryshme. PL e ka ndjekur çështjen e inceneratorëve, patjetër që do të kishte një protestë për këtë. Protesta është një presion pozitiv dhe ndaj SPAK.

Nga ana tjetër Maloku e ka kundërshtuar Kumen, se protesta është presion ndaj drejtësisë, teksa nënvizoi se Ilir Meta nuk e ka fshehur kurrë rolin e tij si opozitar.

Kume: Meta e ka thënë vetë se PL është partia e dytë opozitare.

Danjela Maloku: Meta nuk e ka fshehur kurrë rolin si opozitar I parë. Duke parë karrierën politike, Meta nuk e pranon që të jetë nën hijen e Berishës.

LEXONI GJITHASHTU: 

• Floida Kërpaçi: Siguria kombëtare e Shqipërisë është shumë e cenuar
• Sistemi TIMS jashtë funksionit, në Kakavijë dhe Kapshticë po punohet me regjistra
• Hakerat iranianë sulmojnë sistemin TIMS, thotë Rama