Kupa e Afrikës shtyhet për në vitin 2022, anulohet formati i vajzave

Drejtuesit e Konfederatës Afrikane të Futbollit kanë vendosur që Kupa e Afrikës të shtyhet me një vit, ndërsa edicioni për vajzat të anulohet krejtësisht.

Vendimi u mor në mënyrë që t’i jepet më shumë kohë organizimit dhe zhvillimit të ndeshjeve kualifikuese, ndeshje të cilat u pezulluan për shkak të pandemisë botërore të COVID-19, pandemi e cila bëri të pamundur lëvizjen dhe po kështu aktivitetin.

Kupa e Kombeve të Afrikës ishte parashikuar të zhvillohej janarin e vitit 2021 në Kamerun, mirëpo me vendimin e ri ky organizim pritet të bëhet në vitin 2022.

Po në vitin 2022 zhvillohet edhe Kupa e Botës në Katar. Hera e fundit që Kupa e Afrikës përkonte me të njëjtin vit të një botërori ishte viti 2010.

Tre vite më vonë drejtuesit e konfederatës afrikane vendosën ta kthenin edicionin në vite teke në mënyrë që përfaqësueset afrikane të mos ndikoheshin shumë nga pjesëmarrja në dy kompeticione madhore brenda një viti.

Organizimet e futbollit kontinental në Afrikë, një ndër kontinentet më të nxehta në planet, kanë hasur gjithmonë vështirësi. Vitin e shkuar, Kupa e Botës u shty për t’u luajtur në verë, pas ankesave të shumta të klubeve për largimin e lojtarëve të tyre për një periudhë të gjatë në muajin janar.

Formati për vajza i Kupës së Afrikës u vendos të anulohej, pasi konfederata e kishte të vështirë të riniste disktuimet për një vend organizator, ndërsa asnjë ndeshje kualifikuese nuk ishte zhvilluar.

Lexoni gjithashtu:

Bayern paguan 45 milionë euro, Sané largohet nga Manchester City

La Liga dhe Serie-A, Atletico ndal Barcelonën, Juventus rinis marshimin në krye

Clemens Tönnies dorëhiqet si president i Schalke 04