Kur do të përfundojë lufta në Ukrainë? Flet ministri i Jashtëm rus

Furnizimet perëndimore të Kievit me armë me rreze të gjatë do ta detyrojnë Moskën të shtyjë më tej ushtrinë ukrainase nga kufijtë e saj.

Kështu u shpreh ministri i Jashtëm i Rusisë, Sergei Lavrov këtë të enjte, shkruan agjencia ruse e lajmeve, Tass.

Kryediplomati deklaroi se të gjithë do të donin të zgjidhnin situatën në Ukrainë, por ishte rezultati përfundimtar që kishte rëndësi, jo koha.

Ai tha gjithashtu se Perëndimi kërkon ta kthejë Moldavinë në “Ukrainën e ardhshme” dhe siguroi se Rusia do ta përballonte vetë situatën aktuale dhe do të dilte më e fortë. 

“Të gjithë duan që konflikti në Ukrainë të përfundojë, por ajo që ka rëndësi nuk është koha, por “një rezultat përfundimtar cilësor që ne mund ta sigurojmë për kombin tonë, për ata njerëz që duan të mbeten pjesë e kulturës ruse dhe që janë privuar prej vitesh nga të gjitha gjërat ruse nga junta e Kievit me pajtimin perëndimor.

Në këtë pikë, ne po veprojmë bazuar në parimin e shpallur nga kolegët tanë perëndimorë: fitorja duhet të fitohet në fushën e betejës. Kjo është formula e tyre dhe ata ishin ata që refuzuan të negociojnë”, u shpreh ai ndër të tjera.