Kurti: Duhet të zgjedhim presidentin, ndryshe shkojmë në zgjedhje

Kryeministri i Kosovës, Albin Kurti ka deklaruar se qeveria do t’i adresojë të gjitha problemet me të cilat përballen qytetarët, por fillimisht duhet të përmbyllet zgjedhja e presidentit të vendit.

Në seancën e Kuvendit ai tha se në të kundërt rrezikohet që vendi të shkojë sërish në zgjedhje.

“Në programin tonë qeverisës, në planin tonë të punës, do t’i keni edhe këto zgjidhje mirëpo njëherë do ta zgjedhim presidenten, është e domosdoshme ta përmbyllim hapin e tretë të konsituimit të institucioneve në mënyrë që ta kemi mandatin katër vjeçar, përndryshe shkojmë në zgjedhje, u shpreh zoti Kurti.

Në seancën e sotme të Kuvendit të Kosovës deputetët ngritën çështjen e menaxhimit të pandemisë, por Kurti u përgjigj: “Më datën 24 maj të vitit të kaluar asnjë të infektuar, pse, sepse qasja jonë ka qenë mbyllje fillestare dhe hapje graduale, në mënyrë që të jemi në gjendje që t’i gjurojmë rastet e infeksionit dhe kemi pasur sukses, mirëpo kur ndërron qeveria, ndërron qasja, ndërron strategjia e pastaj edhe pasojat shkaktohen”.

Lexoni gjithashtu:

Zgjedhja e presidentit në Kosovë, Arbëresha Kryeziu tregon se LVV-ja po punon për plotësimin e votave