Kurti me ambasadoren e Holandës: Kontigjenti i parë i vaksinave solli shpresë në Kosovë

Kryeministri i Kosovës, Albin Kurti, i shoqëruar nga ministri i Bujqësisë Faton Peci zhvilloi një takim me ambasadoren e Holandës në Kosovë, Carin Lobbezoo.

Kreu i qeverisë tha se pavarësisht se kontingjenti i parë i vaksinave ishte i vogël në sasi, kjo gjë ka ndezur shpresën tek qytetarët.

Në takim u bisedua edhe për gjendjen në sektorin e agrokulturës në Kosovë, për të cilën u tha se nevojitet një qasje e re ndaj prodhimit vendor dhe stimulimit të prodhuesve.

Sipas Kuritit, në këtë fushë duhet të ketë bashkëpunim më të ngushtë nga institucionet e larta arsimore me fermerët, në mënyrë që të rritet produktiviteti.

Nga ana tjetër, ambasadorja Lobbezoo fioli për projektet që Qeveria e Holandës është duke i implementuar në Kosovë në fushën e blegtorisë dhe prodhimit të qumështit.

Kryeministri Kurti dhe znj.Lobbezoo shprehën vullnetin dhe gatishmërinë për të vazhduar bashkëpunimin dhe marrëdhëniet e mira mes dy shteteve.