Emrat më të lakuar për zëvendësimin e Ardi Veliut

Ardi Veliu, drejtor i Përgjithshëm i Policisë së Shtetit dha dorëheqjen nga detyra ditën e djeshme. Me anë të një letre drejtuar kreut të qeverisë, Edi Rama, Veliu u shpreh se largimi i tij nga posti ishte për arsye personale.

Gazetari i Euronws Albania Eni Ferhati raportoi pak momente para se të shpallej emri i personit që do të zëvendësonte Veliun se Gledis Nano, kreu i anti-terrorit i cili gëzon mbështetjen e ndërkombëtarëve, sidomos asaj të SHBA-së ishte një ndër pretendentët kryesorë për postin.

Disa nga emrat e tjerë që u lakuan se do të propozoheshin nga ministri i Brendshëm Bledi Çuçi në Këshillin e Ministrave ishin Edmond Rizai, drejtori Kundër Krimit të Organizuar në Policinë e Shtetit, Albert Dervishaj, Zëvendësdrejtori i Përgjithshëm i Policisë së Shtetit dhe drejtori i departamentit për Policinë Kriminale Tonin Vocaj

Veliu mbajti detyrën e kreut të policisë për rreth 4 vite.

LEXONI GJITHASHTU: 

• Gledis Nano emërohet drejtori i ri i Policisë së Shtetit
• Gazetari Ferhati: Edhe për Lleshajn thuhet se ia kërkuan shkarkimin, s’ishte dorëheqje