Kush janë disa nga ushqimet fatsjellëse që nuk duhet të mungojnë në tryezën e natës së Vitit të Ri

Në natën e ndërrimit të viteve, janë disa ushqime që konsiderohen fatsjellëse dhe simbol i begatisë, pasurisë dhe shëndetit.

Nga 12 kokrrat e rrushit në Spanjë, te shega e përplasur në Greqi, çdo ushqim ka kuptimin e vet simbolik. Disa nga to lidhen me para dhe pasuri, të tjerët me shëndet dhe sukses, ndërsa disa të tjerë përfaqësojnë ciklin e plotë të jetës dhe vitin që vjen.

Edhe pse disa prej traditave duket se janë supersticione, të paktën natën e ndërrimit të viteve nuk do ta kaloni pa një tryezë të mbushur dhe me shpresë për të ardhmen.

1. Rrushi
Në Spanjë dhe Portugali konsumohen 12 kokrra rrush para mesnatës, një për çdo muaj të vitit që vjen. Çdo kokërr simbolizon një muaj dhe besohet se sjell mbarësi.

2. Mishi i derrit
Derri simbolizon progres dhe shëndet. Në shumë kultura, veçanërisht në Europë dhe SHBA, mishi i derrit konsumohet për fat dhe begati në formë proshute, salsiçe apo rosto.

3. Peshku
Peshku konsiderohet fatsjellës sepse luspat ngjajnë me monedha, qëndron në grupe për të simbolizuar unitet dhe gjithmonë noton përpara, që tregon progres.

4. Bishtajoret dhe thjerrëzat
Fasulet, bizelet dhe thjerrëzat simbolizojnë paratë dhe begatinë. Kur gatuhen, fryhen si të paratë, duke sjellë fat ekonomik.

5. Perime jeshile
Lakra, sallata dhe rukola përfaqësojnë para të palosura dhe shpresë për prosperitet.

6. Frutat e thata
Në Francë tradita është të konsumohen 13 lloje fruta të thata, që simbolizojnë bollëk dhe begati.

7. Embëlsira dhe keku me monedhë
Keku ose “vasilopita” me një monedhë brenda është traditë greke. Kush e gjen monedhën në copë, do të ketë fat gjatë vitit që vjen. Ushqimet në formë unaze, si petullat ose keku i pjekur, përfaqësojnë ciklin e plotë të vitit dhe mbarësinë.

8. Shega
Në Greqi, përplasja e shegës në prag sjell sa më shumë kokrra, që simbolizojnë begati dhe mirëqenie për vitin e ri.

9. Mandarina dhe orizi
Mandarina përfaqëson pafundësinë, ndërsa orizi përdoret si urim për gëzim dhe fat.

10. Speci djegës
Speci simbolizon pjellori dhe fat, jo vetëm në familje, por edhe në agrikulturë.

Edhe nëse nuk besoni plotësisht në supersticione, të paktën nuk do ta kaloni natën me stomakun bosh!