“Kushte çnjerëzore”, historiania: Spaçi mbase nuk ishte kampi i Aushvicit, por…

Studiuesja dhe arkivistja Nevila Nika ishte këtë të hënë në Euronews Albania për të folur për burgun famëkeq të Spaçit.

Ajo tha se mbase burgu i Spaçit nuk ishte njësoj si kampi i Aushviçit, por ishte shumë afër atij që quhet kamp shfarosjeje.

“Që të them se ishte një kamp shfarosjeje, siç ishte Lagret apo kampet e përqendrimit në Gjermani, mbase do të ishte pak si shumë, por gjithsesi ishte shumë afër. Fakti që u i thuhej gjallë a vdekur jeni këtu brenda, fakti që familjarëve nuk iu dhanë kurrë trupat e atyre që ekzekutuan. Në fund të fundit i ekzekutuat sipas ligjeve të kohës.

Ligji i dënonte me vdekje. Dakord u  dënuan, po kufoma çfarë faji kishte a do i jepej familjes? I varrosën diku, ku askush se di. Familjarët mund ti takonin dy herë në muaj 15 minuta. Por për të shkuar deri atje një familjar donte 2 ditë, dhe mund të çonin deri në 15 kilogram rroba ushqim, por jo fruta dhe perime.

Në burg ushqimi ishte aq i keq sa ata vazhdimisht kishin probleme dhe helmoheshin. Ishte shumë afër një kampi shfarosjeje”,-tha historiania Nevila Nika.

LEXONI GJITHASHTU:

• Tirana triumfon në Taekwando, 180 sportistë nga 8 ekipe në Kupë e Republikës 
• Olta Xhaçka: Stabiliteti në rajon është kritik, duhet mbështetje e fuqishme nga BE