Kushtetuesja “peng” i padive, shtyhen shqyrtimet e ankimeve për të skualifikuarit nga KED

Shtyhet shqyrtimi i ankimit të vendimit të KED për përjashtimin nga gara për në Kushtetuese të kandidates Zhaklina Peto. Shkak është bërë mungesa e vetë kësaj të fundit, e cila nuk u paraqit në Gjykatën Administrative të Apelit.

Shqyrtimi i padisë do të zhvillohet të hënën. Ndërkohe kandidati tjetër i përjashtuar Shaqir Hasani ka kërkuar përjashtimin e trupit gjykues.

Për këtë, Apeli Administrativ i është drejtuar Këshillit të Lartë gjyqësor për të caktuar gjyqtarë të tjerë, që të shqyrtojnë kërkesën.

Këto padi dhe shtyrjet e shqyrtimit te tyre po mbajnë “peng” procedurat për plotësimin e Gjykatës Kushtetuese dhe bërjen funksionale të saj, në një kohë që ambasadorja amerikane Yuri Kim ka kërkuar të përfundojë brenda këtij viti.