Kushtetuesja rrëzoi Albin Kurtin, Ilir Meta reagon për zhvillimet në Kosovë

Presidenti i Republikës së Shqipërisë, Ilir Meta, ka reaguar në lidhje me zhvillimet e fundit në Kosovë, ku Gjykata Kushtetuese i dha të drejtë dekretit të presidentit Hashim Thaçi për formimin e qeverisë së re.

Kreu i Shtetit shqiptar thekson se gjithmonë ka respektuar Kushtetutën, ndaj apelon që edhe në Kosovë të mbizotërojë sjellja evropiane në raport me institucionet.

“Lidhur me zhvillimet e fundit në Kosovë, dua të nënvizoj se gjithmonë kam respektuar Kushtetutën dhe institucionet e Republikës së Kosovës, dhe këtë do ta bëj gjithmonë. Është shumë e rëndësishme që në Kosovë të mbizotërojë sjellja europiane ndaj institucioneve”, shkruan Meta.

Kryeministri në detyrë i Kosovës, Albin Kurti ka reaguar një ditë pas vendimit të Gjykatës Kushtetuese që i hapi rrugën Avdullah Hotit të LDK-së për të krijuar qeverinë e re.

Përmes një postimi në profilin e rij në “Facebook”, kryeministri Kurti u shpreh shprehet se Vetëvendosja nuk kishte pasur shpresa të mëdha në vendimin e Gjykatës Kushtetuese, por shton se ky vendim është përtej imagjinatës në nivel logjik e juridik.

“Gjykata Kushtetuese u rreshtua me kapësit e shtetit. Ajo foli për veten, më parë e më shumë sesa për çështjen që trajtoi. Ajo e vulosi veten, ajo e zhvlerësoi veten.Beteja jonë vazhdon, bashkë me popullin e vetëdijësuar, kundër kësaj kaste të korruptuar. Për fund, ne njëmend nuk kemi pasur shpresa të mëdha për vendimin e Gjykatës Kushtetuese, mirëpo, ky vendim është përtej imagjinatës e nën çdo nivel (logjik e juridik).Si i padrejtë, ai është i papranueshëm. Për hapat tjerë politik do të njoftojmë qytetarët në ditët në vijim”, shkroi z. Kurti.

Lexoni gjithashtu: 

Vendimi i Kushtetueses, reagon Albin Kurti: Përtej imagjinatës, beteja jonë vazhdon bashkë me popullin