Kuvajti shpall persona non grata dy zyrtarë të misionit diplomatik iranian

Kuvajti këtë të mërkurë shpalli dy anëtarë të misionit diplomatik iranian si persona non grata, duke kërkuar largimin e tyre nga vendi.

“Zëvendësministri i Punëve të Jashtme shpjegoi se ky vendim vjen pas agresioneve të vazhdueshme dhe të pamëshirshme iraniane me raketa balistike dhe dronë, të cilat u ripërtëritën në agim të sotëm duke synuar një numër objektesh civile dhe instalimesh jetësore, përfshirë Aeroportin Ndërkombëtar të Kuvajtit”, thuhet në deklaratën e Ministrisë së Punëve të Jashtme të Kuvajtit.

Kjo masë u pasua me thirrjen e të ngarkuarit me punë të Iranit në Kuvajt, Hamed Hamid Yaqoubi Far, të cilit iu dorëzua një notë zyrtare proteste për shkak të sulmeve të fundit iraniane ndaj Kuvajtit.

Një person u vra dhe disa të tjerë u plagosën në sulmin iranian që synonte infrastrukturën civile të Kuvajtit, përfshirë aeroportin ndërkombëtar të Kuvajtit, tha Ministria e Punëve të Jashtme e vendit në një deklaratë më parë.