Kuvendi i Kosovës miraton zgjatjen e masave emergjente për energjinë

Të hënën me 61 vota pro, Kuvendi i Kosovës miratoi kërkesën e qeverisë për të zgjatur masat emergjente për furnizim me energji edhe për një muaj.

Deputetët e opozitës bojkotuan votimin.

Më herë përfaqësuesit e qeverisë kanë deklaruar se zgjatja e masave emergjente bëhet për “normalizimin e plotë” të gjendjes së energjisë.

Në muajin gusht, kur Kosova u përball me reduktime të energjisë, qeveria miratoi masat emergjente që përfshinin masa të kursimit të energjisë elektrike nga të gjitha institucione, ndalimin e përdorimit të rrymës për kritpovalutat dhe mbështetjen e Operatorit të Sistemit të Transmisionit të Tregut (KOSTT).

LEXONI GJITHASHTU:

• Zbulohet një dhomë tjetër torturash në Ukrainë
• Eksodi masiv i mjekëve drejt Gjermanisë, 3500 të larguar në 10 vitet e fundit
• Çmimi Nobel në Mjekësi i jepet shkencëtarit suedez