“Ky është një hap i madh”, Vuçiç publikon foton me Ramën dhe Zaev

Presidenti i Serbisë, Aleksandër Vuçiç ka publikuar në Instagram një foto nga takimi me kryeministrin e Shqipërisë, Edi Rama dhe kryeministrin e Maqedonisë së Veriut, Zoran Zaev.

Takimi i tyre është mbajtur në prag të Samitit të Shkupit, ku tre liderët pritet të nënshkruajnë marrëveshje bashkëpunimi mes tyre.

“Ky është një hap i madh për të ardhmen. Bashkëpunimi politik dhe mes njerëzve sjell stabilitet dhe shumë gjëra të rëndësishme për të ardhmen e rajonit”, shprehet Vuçiç.

Presidenti serb thotë se marrëveshjet do të ketë të bëjnë me “agjendën jeshile” në mënyrë që vendet e Ballkanit Perëndimor të tërheqin më shumë investime dhe të krijojnë një treg të përbashkët.

 

View this post on Instagram

 

A post shared by Aleksandar Vučić (@buducnostsrbijeav)

Kryeministri i RMV, Zoran Zaev thotë se gjatë Forumit Ekonomik do të diskutohet për bashkëpunimin rajonal që do të mbahet për herë të parë në Shkup.

Kjo gjë thotë ai do të hapë një perspektivë të re për një lidhje më të afërt mes vendeve të rajonit.

“Shikimi ynë është përpara, për një të nesërme më të mirë, për zhvillim dhe rritje ekonomike dhe mirëqenie për popujt tanë”, shprehet Zaev në një postim në Facebook.

Gjatë dy ditëve të qëndrimit në Shkup, Vuçiç, Rama dhe Zaev pritet të hedhin hapa përpara në iniciativën për Mini Schengen.

Iniciativa e nisur nga Rama dhe Vuçiç deri tani ka marrë mbështetje vetëm nga Maqedonisë e Veriut. Kosova dhe Bosnje-Hercegovina por edhe Mali i Zi e kanë kundërshtuar.

LEXONI GJITHASHTU:

• ‘Minishengeni nuk e ka miratimin tonë’, Kurti refuzon Forumin Ekonomik të Shkupit
• Forumi i Shkupit, Rama, Zaev dhe Vuçiç diskutime në kuadër të takimit të 29 korrikut
• Rama në Forumin e Prespës: S’kemi pse presim BE për të bashkëpunuar, të heqim kufijtë për njerëzit dhe mallrat