La Liga, Real Madrid ndalet në barazim nga Osasuna, përfiton Barcelona

Real Madrid humbi të shtunën mundësin për të marrë përkohësisht kryesimin e kampionatit spanjoll, kjo pasi u ndal në një barazim pa gola në transfertën me Osasunan.

Pas shtyrjes së ndeshjes Atletico Madrid-Athletic Bilbao, për shkak të kushteve atmosferike, Reali kishte mundësinë për t’iu ngjitur kreut, mirëpo në transfertën me skuadrën e parafundit në klasifikim kampionët në fuqi nuk mundën të realizonin qoftë dhe një gol.

Me vetëm një pikë të marrë nga kjo ndeshje ata mbetën në vendin e dytë në kuotën e 37 pikëve, një më pak se Atletico kryesues, që tashmë ka dhe tre ndeshje më pak.

Nga barazimi i Realit përfitoi Barcelona. Lionel Messi dhe Antoine Griezmann me nga dy gola i dhuruan katalanasve fitoren 4-0 në transfertën me Granadan. Tashmë Barcelona ka 34 pikë dhe ngjitet në vendin e tretë.

Në ndeshjen tjetër të së shtunës në La Liga, Sevilla fitoi 3-2 ndaj Real Sociedad duke hapur lojën për vendin e katërt në klasifikim.

Lexoni gjithashtu:

Bundesliga, Dortmundi rikthehet në lojën për titull duke fituar ndaj Leipzig

Serie-A, Milan rikthehet te fitorja, Atalanta mposht 4-1 Beneventon

NBA, talenti LaMelo Ball realizon rekord ”triple-double”