‘Largimi i Messit, i drejtë’, Neymar komenton vendimin e kampionit të botës

Kur kanë kaluar disa javë nga largimi i Lionel Messit nga PSG, argjentinasi vijon të jetë në qendër të vëmendjes.

Vendimi i tij është komentuar sëtepërmi, e i fundit është ai i brazilianit Neymar. Ish-shoku i tij i skuadrës tek Barcelona e më pas në Paris, ka pohuar se Messi dhe familja e tij nuk ndiheshin mirë, ndërsa lojtari prej kohësh kishte vendosur të largohej.

“Javët e fundit pata dyshime dhe ai më tregoi. Messi ka fituar gjithçka. Familja e tij ishte shumë e prekur në dy vitet e fundit në PSG. Unë e kuptoj atë dhe ai do të shkojë në një vend ku do të pritet mirë. Ai do të jetojë një jetë krejtësisht ndryshe dhe familja e tij do të ndihet shumë mirë në Miami. Ishte një zgjedhje e mirë. Ishin vite të vështira së bashku”-tha ai.

Më tej, Neymar ka folur dhe për situatën në të cilë ndodhet, ndërsa emri i tij është lakuar në Arabinë Saudite.

“Deri tani askush nuk më ka thënë, jam i qetë. Edhe pse nuk ka shumë dashuri mes tifozëve dhe lojtarëve, do të jem atje. Me dashuri ose pa dashuri, por me Neymar”- theksoi ai.

Sulmuesi Brazilian aktualisht ka dhe 2 vite kontratë në Paris, ndërsa ofertat në drejtim të tij kanë qenë të shumta.

LEXONI GJITHASHTU: 

• Çfarë është El Nino? Pse po ndikon në mbarë botën, kur fenomeni është në Paqësor
• Stërvitje Rusi-Kinë, dy vendet përforcojnë bashkëpunimin ushtarak në ujërat e Azisë