Lavrov: Rusia dhe SHBA në prag të një konflikti të drejtpërdrejtë ushtarak

Ministri i Jashtëm rus, Sergei Lavrov, ka dhënë një intervistë për median turke “Hürriyet”, ku komentoi luftën mes Rusisë dhe Ukrainës, si dhe marrëdhëniet e Kremlinit me Perëndimin.

Lavrov shprehu shqetësim për situatën aktuale, duke deklaruar se Shtetet e Bashkuara dhe Rusia janë “në prag të një konflikti të drejtpërdrejtë ushtarak.” Ai akuzoi administratën aktuale amerikane për intensifikimin e rusofobisë, duke thënë se kjo spirale ka arritur një nivel alarmant.

“Nën presidencën aktuale në SHBA, e cila e ka çuar spiralen e rusofobisë deri në kufi, vendet tona janë në prag të një konflikti të drejtpërdrejtë ushtarak,” theksoi Lavrov, duke iu përgjigjur një pyetjeje lidhur me zgjedhjet amerikane.

Ai sqaroi se Rusia nuk ka preferenca për ndonjë kandidat të veçantë, duke e shoqëruar këtë me faktin se administrata e Donald Trump kishte miratuar numrin më të madh të sanksioneve anti-ruse nga çdo paraardhës i saj.

“Dhe nuk ka rëndësi se kush fiton zgjedhjet, sepse Rusia nuk mendon se linja anti-ruse e Shteteve të Bashkuara mund të ndryshojë,” shtoi Lavrov.

Për më tepër, ai përmendi se Rusia ka intensifikuar operacionet e saj të dezinformimit, që synojnë fushatën e Zëvendës Presidentes Kamala Harris. Këto veprime kanë nxitur shqetësime për mundësinë e ndërhyrjes së huaj në zgjedhjet amerikane, sipas një raporti të Microsoft Group, i publikuar në shtator.

LEXONI GJITHASHTU:

• Rusia e “habitur” me Turqinë: Furnizojnë me armë Ukrainën dhe ndëmjetësojnë paqen
• Agresioni Rusi-Ukrainë në ditën e 980, ja ngjarjet kryesore