Lavrov: Rusia i ofron Ukrainës takim në Stamboll më 2 qershor

Delegacioni i Rusisë, i udhëhequr nga ndihmësi presidencial Vladimir Medinsky, është gati t’i paraqesë Ukrainës memorandumin e Moskës mbi kapërcimin e shkaqeve rrënjësore të krizës më 2 qershor në Stamboll, tha Ministri i Jashtëm Sergej Lavrov në një deklaratë.

“Siç ramë dakord, pala ruse hartoi menjëherë një memorandum përkatës, duke përshkruar qëndrimin tonë mbi të gjitha aspektet e kapërcimit të besueshëm të shkaqeve rrënjësore të krizës.

Delegacioni ynë, i kryesuar nga Vladimir Medinsky, është gati t’ia paraqesë këtë memorandum delegacionit ukrainas dhe të japë shpjegimet e nevojshme gjatë raundit të dytë të bisedimeve të drejtpërdrejta në Stamboll të hënën e ardhshme, më 2 qershor”, theksoi Lavrov.