Le Pen flet për herë të parë pas dënimit nga gjykata: Vendim politik

Politikania franceze e të djathtës ekstreme Le Pen ka folur për herë të parë pas dënimit nga gjykata duke e akuzuar këtë të fundit për marrjen e një “vendimi politik” dhe tha se gjyqtari bëri një “gabim”.

Në një intervistë për transmetuesin francez TF1, ajo u pyet gjithashtu se pse u largua nga gjykata para se të dëgjonte gjyqtarin të jepte dënimin.

Le Pen u përgjigj se “nuk kishte nevojë për më shumë”, pasi “e kuptoi se çfarë po ndodhte”.

Gjykata “kërkoi të më bllokonte qëllimisht” nga kandidimi në vitin 2027, shtoi ajo, duke iu referuar zgjedhjeve të ardhshme presidenciale të planifikuara në Francë.

Miliona njerëz në Francë do të “privohen” nga votimi për favoritin në zgjedhjet e ardhshme, thotë ajo.

Marine Le Pen u shpall fajtore për përvetësim të fondeve të Parlamentit Evropian për një periudhë 12-vjeçare.

Përmes një vendimi që ka shkundur politikën franceze dhe atë evropiane, gjykata në Paris ka thënë se ajo nuk mund të garojë për asnjë pozitë politike publike – që nënkupton se ajo duket që do të jetë jashtë garës për zgjedhjet presidenciale, të cilat duhet të mbahen më së largu në pranverën e vitit 2027