Lezhë, shirat e rrëmbyer shembin rrugën e Kreshtës

Shirat e rrëmbyer të ditëve të fundit kanë bërë që rruga e Kreshtës në njësinë administrative të Ungrejt të shembet.

Lezha është një nga zonat më të prekura nga përmbytjet e ditëve të fundit për shkak të reshjeve intensive që kanë përfshirë vendin, teksa qindra hektarë tokë kanë përfunduar nën ujë.

Ndonëse reshjet përgjatë ditës së premte kanë qenë intensive, gjatë natës pati një lehtësim të situatës.

Kreu i Emergjencave Civile, Haki Çako është shprehur se sot ka një rënie të nivelit të ujërave për shkak të ndërprerjeve të reshjeve të shiut.

Po ashtu, bëhet e ditur se dhe lumi Drin është rikthyer në shtrat të vetë. Ndërkohë që në Fushë-Krujë është rritur niveli i ujit në fshatin Murqinë, dhe mësohet se rreth 20 banesa janë të rrethuara nga uji.