Libraria e fshehur në alpe, si po zbulohet përmes rrjeteve thesari i moçëm në Austri

Për shekuj me radhë ai ka qenë një xhevahir në mes të Alpeve, i vizituar vetëm nga të urtët dhe të mençurit.

Por në moshën e Instagram-it dhe TikTok-ut, manastiri malor në Shtiria, në zemër të Austrisë, është kthyer në vendin e preferuar të influencuesve online nga e gjithë bota.

E gjatë 70 metra, dhoma e librarisë së abacisë është e dekoruar me afreske të ngjashme me ato të Kapela Sistinës dhe mban rreth 70 mijë libra. Një pasuri reale e stilit “Barok”, ajo është përuruar në 1776-n, por dorëshkrimet e saj më të moçme datojnë në shekullin e tetë.

Thuhet se një dorë hyjnore e shpëtoi atë nga zjarri që shkatërroi një pjesë të qytetit dhe manastirit në vitin e largët 1865.

Sot abacia vuan nga suksesi. Ajo është e tejmbushur nga turistët në verë dhe nga vizitorët virtualë thuajse çdo ditë të vitit. Dy nga 23 murgjit e manastirit menaxhojnë rrjetet sociale.

“Në 2018-n filluam me 4 mijë-4 mijë e 500 të regjistruar në Facebook, ndërsa sot kemi 160 mijë të regjistruar. Ndaj, brenda 4 viteve, me një punë të palodhur dhe me shumë analiza kemi arritur të rrisim nga 10 mijë në 30 milionë në muaj numrin e vizitorëve online”, u shpreh Mario Brandmueller.

Faqja e internetit e manastirit ofron jo vetëm ture virtuale, por edhe një guidë shpirtërore. Por historia e tij tregohet në mënyra të ndryshme nga influencuesit e shumtë dhe përdoruesit e rrjeteve sociale.

Sidoqoftë, manastiri, që pritet të mbushë së shpejti 950 vjeç, i është përshtatur kohëve moderne me shumë sukses.

LEXONI GJITHASHTU:

• Samiti BE-Ukrainë do të zhvillohet më 3 shkurt
• Sulmi kibernetik, Gjykata e Apelit heq masat e sigurisë ndaj 5 punonjësve IT
• Rritet çmimi i duhanit, nga janari një paketë 20-30 lekë më shtrenjtë