Lideri suprem i Iranit, Khamenei shfaqet për herë të parë pas luftës me Izraelin

Ajatollah Ali Khamenei, lideri suprem i Iranit, është shfaqur për herë të parë në publik pas fillimit të luftës 12-ditëshe me Izraelin. Khamenei, i cili ka qenë i tërhequr nga publikimi i aktiviteteve të tij që prej fillimit të konfliktit, u pa duke përshëndetur turmën e besimtarëve në një xhami pranë rezidencës së tij në Teheran.

Lideri iranian mori pjesë në ceremonitë e Ashurës, një ditë të shenjtë për myslimanët që përkujton sakrificën e Imamit Husein, ndërsa televizioni shtetëror raportoi se ai nuk mbajti ndonjë fjalim gjatë ngjarjes. Pjesëmarrës të tjerë theksuan “qëndresën” e Iranit ndaj sulmeve dhe përsëritën deklarata të mëhershme të Khameneit, se Irani “nuk do të dorëzohet kurrë”.

Khamenei, tani 86 vjeç, ishte një figurë e njohur dhe gjithmonë e pranishme në jetën politike dhe publike të Iranit, por u tërhoq pothuajse plotësisht nga publikimi gjatë luftës që filloi më 13 qershor, pasi thuhej se ai ishte një objektiv i mundshëm për sulmet izraelite. Gjatë kësaj periudhe, raportet sugjeruan se Izraeli kishte planifikuar disa herë për të sulmuar Khamenein, ndërkohë që Presidenti amerikan Donald Trump ka deklaruar se ai kishte ndërhyrë dy herë për të parandaluar sulme izraelite ndaj liderit iranian.

Ky është shfaqja e parë publike e Khameneit pas një periudhe të gjatë heshtjeje, dhe shënon një moment të rëndësishëm për publikun iranian dhe ndjekësit e tij.

LEXONI GJITHASHTU:

• Netanyahu përplaset me shefin e IDF-së për vonesën e ndihmës për Gazën
• Netanyahu viziton të hënën SHBA-në, fokusi në propozimet për armëpushim