Lidhja mes moshës së prindërimit dhe rrezikut të çrregullimit bipolar tek fëmijët

Të bëhesh prind në një moshë shumë të re ose shumë të vjetër mund të rrisë rrezikun që fëmijët tuaj të kenë çrregullim bipolar, thotë një studim i ri.

Një ekip studiuesish nga Spanja, Italia, Australia dhe Holanda rishikuan studimet që përfshinin gjithsej më shumë se 13 milionë pjesëmarrës, nga të cilët mbi 217,000 kishin çrregullim bipolar – për të parë nëse kishte një lidhje midis moshës prindërore dhe rrezikut të çrregullimit bipolar në fëmijët.

“Mund të themi se mosha e re dhe më e vjetër e prindërve shoqërohet me një rrezik në rritje të çrregullimit bipolar,” tha udhëheqësja e studimit Giovanna Fico, shkruan Euronews.

Bipolariteti, karakterizohet nga ndryshime dramatike në humor dhe energji.

Çrregullimi bipolar është një nga sëmundjet serioze mendore, më të zakonshme dhe mbart një rrezik të lartë për vdekje të parakohshme.

Në vitin 2019, 40 milionë njerëz përjetuan çrregullim bipolar, sipas Organizatës Botërore të Shëndetësisë.

Nëse një prind ka çrregullim bipolar, ka një shans 15 deri në 30 përqind që kjo t’u kalohet fëmijëve të tyre, theksojnë autorët e studimit.

LEXONI GJITHASHTU: 

• ‘Pranverë në vjeshtë’, mot i qëndrueshëm deri në fund të muajit tetor
• Politikani brazilian hedh granata ndaj policisë
• ‘Pranverë në vjeshtë’, mot i qëndrueshëm deri në fund të muajit tetor