Ligji për policinë në Kushtetuese, Avokati i Popullit kundërshton mbikëqyrjen ambientale nga uniformat blu

Në Gjykatën Kushtetuese po shqyrtohet padia e Avokatit Popullit dhe Komitetit të Helsinkit, ku kërkohet që policisë t’i hiqet tagri për të kryer mbikëqyrje ambientale në funksion të hetimeve pa një urdhër prokurorie.

Sipas Avokatit të Popullit, kjo kompetencë e shtuar në ligjin për policinë kalon kompetencat e uniformave blu dhe cenon të drejtën e privatësisë.

Avokati i Popullit tha se ky shqetësim është ngritur dhe nga Shoqëria Civile, Prokurori i Përgjithshëm dhe SPAK, të cilët kanë kundërshtuar miratimin e këtij ndryshimi në ligjin për policinë.

Në tetor të vitit të shkuar qeveria u tërhoq nga projektligj që i jepte kompetenca policisë së shtetit për kryer përgjime ambientale në raste të dyshuara për vepra penale apo për parandalimin e ngjarjeve kriminale. Ndryshimet e reja parashikojnë se policia mund të kryejë monitorim dhe ndjekje nga agjentët, por pa përdorur mjetet elektronike të komunikimit.

Ndërhyrjet në projektligj u reflektua në rishikimin e terminologjisë duke zëvendësuar fjalën “përgjim ambiental”, me “mbikëqyrje”.

LEXONI GJITHASHTU:

• Përgjimet me “çimka”, qeveria tërhiqet nga projektligji që i shtonte kompetencat policisë
• Përgjimet me “çimka”, Prokuroria e Përgjithshme kundër nismës së Ministrisë së Brendshme