Ligue 1, Rennes i shkakton humbjen e parë të epokës Messi PSG-së

Mund të kesh Lionel Messin në fushë, apo lojtarë të kalibrit Neymar e Mbappe, por edhe ata mund të mos mjaftojnë për të mposhtur një skuadër si Rennes.

Kuqezinjtë e drejtuar nga Bruno Génésio arritën të fitojë 2-0 ndaj Paris Saint-Germain, ndeshje kjo e vlefshme për javën e 9-të të kampionatit francez Ligue 1.

Dy gola për secilën pjesë me anë të Laborde dhe Tait, i mjaftuan skuadrës së Rennes për të marrë 3 pikë të plota kundër një nga skuadrat më të kompletuara në botë.

Zhgënjyes për ekipin e Mauricio Pochettinos ishte fakti se në shifrat zyrtare PSG nuk goditi asnjëherë kuadratin pavarësisht 13 përpjekjeve konkrete. Një gol i minutës së 68-të i Mbappes, u anulua për pozicion jashtë loje.

Kjo ishte humbja e parë e PSG-së në epokën e Messit, ndërsa për trajnerin Génésio ky ishte suksesi i katërt përballë PSG-së – 3 herë e ka mundur kur drejtonte Lyonin.

PSG ndalet kështu në kampionat pas 8 fitoresh radhazi. Ata sidoqoftë mbajnë kryesimin me 24 pikë, 6 më shumë se Lens i vendit të dytë, teksa Rennes ngjitet në vendin e 7-të në kuotën e 12 pikëve.