Lirohet nga burgu “Gjarpri”, vrasësi famëkeq francez
Të mërkurën, Gjykata e Lartë në Nepal urdhëroi lirimin nga burgu të Charles Sobhraj, vrasësit serial famëkeq francez.
Gjykata e mori vendimin për shkak të moshës dhe shëndetit të tij, sipas zëdhënësit të gjykatës Bimal Paudel.
Sobhraj, 78 vjeç, ishte duke vuajtur një dënim të përjetshëm në një burg në periferi të Katmandu të Bhaktapur për vrasjen e dy turistëve në vitin 1975, por shumë nga vrasjet e tij të supozuara mbeten të pazbardhura.
Një trup gjykues prej dy gjyqtarësh i Gjykatës së Lartë urdhëroi qeverinë që ta lirojë menjëherë dhe ta deportojë në “vendin e tij” brenda 15 ditëve, shtoi zëdhënësi.
Sobhraj vuan nga një sëmundje e zemrës dhe ka nevojë për një operacion, argumentoi gjykata.
Kush është Charles Sobhraj?
I lindur në Saigon, nën administrimin e Francës, Sobhraj u burgos fillimisht në Paris në 1963 për vjedhje, por vazhdoi të akuzohej për kryerjen e krimeve në një listë vendesh: Francë, Greqi, Turqi, Iran, Afganistan, Pakistan, Nepal, Indi, Tajlandë dhe Malajzi.
Ai gjithashtu u arratis nga burgu në disa vende dhe prirja e tij për t’iu shmangur autoriteteve i dha pseudonimin “Gjarpri”.
Sipas biografëve të tij, Sobhraj përfundimisht pranoi të paktën 12 vrasje midis viteve 1972 dhe 1976.
Drama e BBC/Netflix e vitit 2021 e quajtur “Gjarpri” bazohet në historinë e vrasjeve të supozuara të Sobhraj.
Tregon se si për vite me radhë, ai i shmangej ligjit në të gjithë Azinë.
LEXONI GJITHASHTU:
Rubio: SHBA-ja është “e harmonizuar” me aleatët në Gjirin Persik sa i përket Iranit
Bitcoin bie nën 60,000 dollarë mes presionit në tregjet globale
Trump: Irani po bën lëshime të mëdha
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve