Liroi nga burgu Gert Gjinararin, gjyqtari Kuqo kërkon shtyrjen e vendimit nga KLGJ-ja

Gjyqtari i Korçës, Markelian Kuqo ka dorëzuar sërish kërkesë për shtyrje vendimi në Këshillin e Lartë të Gjyqësorit.

Shkak për shtyrjen është bërë arsyeja shëndetësore. Kuqo është karantinuar, pasi bashkëshortja mund të jetë e infektuar me koronavirus.

Gjyqtari Markelian Kuqo ka liruar nga burgu Gert Gjinararin, të dënuarin me burgim të përjetshëm për vrasjen e Naim Zyberit. Për këtë vendim, një raporti i detajuar i Inspektorit të Lartë të Drejtësisë, rendit një sërë shkeljes që sipas këtij institucioni përbëjnë shkak për shkarkimin e gjyqtarit të Korçës.

I arrestuar në Itali në vitin 1997 dhe më pas i dënuar me burgim të përjetshëm, Gerd Gjinarari, e pa veten jashtë qelisë, vitin e shkuar pasi në 14 shkurt gjykatësi i Korçës Markelian Kuqo pranoi kërkesën e tij për lirim me kusht.

Në Itali, Gjinarari, u akuzua për disa vepra penale, nga vrasja te armëmbajtja pa leje, trafik lëndësh narkotike dhe kryerje të krimit nga banda të armatosura. Prej vitit 2014 ai po vuante dënimin në Shqipëri, në burgun e Drenovës.