Lista Serbe në Kosovë e shqetësuar për targat: Kërcënim i drejtpërdrejtë, Vuçiç të reagojë

Kreu i Listës Serbe në Kosovë, Goran Rakiç e quajti kërcënim të drejtpërdrejtë për serbët që duan të sigurojnë ‘bukë për fëmijët’ masën e qeverisë së Kosovës për të ndaluar hyrjen në kufi të automjeteve me targa serbe.

“Unë i bëj thirrje të gjithë atyre që janë mbledhur të përmbahen, dhe gjithashtu Prishtinës të mos ngris tensione,” deklaroi Rakiç.

Politikani serb i Kosovës njoftoi se ka informuar të Dërguarin Special Miroslav Lajçak dhe ka kërkuar ndihmën e BE-së, ndërsa nxiti presidentin e Serbisë Aleksandër Vuçiç të reagojë për ngjarjen.

Rakiç aktualisht po shërben si Ministër për Komunitete dhe Kthim që nga 22 marsi i këtij viti.