Dy realitete njësoj, sondazhi Euronews Albania & MRB dhe rezultati

Sondazhi i fundit i Euronews Albania dhe MRB, i publikuar më 19 prill ishte shumë afër rezultatit që doli nga numërimi i kutive të votimit.

Sondazhi i jepte PS në rang kombëtar 48.5% të votave, kurse PS zyrtarisht mori 48.68%. Për PD, sondazhi jepte 41.5% të votave, ndërsa pas numërimit nga rezultati final i KQZ  selia blu mori 39.4% të votave.

Ekspertë të komunikimit si petagoget Jonila Godole e Edlira Gjoni, politologu Adri Nurellari, analisti Neritan Sejamini vlerësuan sondazhin si një vlerë të shtuar për opinionin publik në Shqipëri.

Lexo më shumë: “Shërbim ndaj publikut”, ekspertët vlerësojnë sondazhin e Euronews Albania dhe MRB

Diskutime në studio pati rreth votave të pavlefshme, ku këto zgjedhje pati dhjetëra mijëra më tepër se zakonisht.

Për ekspertin e zgjedhjeve Blendi Çeka kjo ndodhi “si gabim njerëzor”, ndërsa për nënkryetarin e Bashkisë Tiranë Arbjan Mazniku, nga votat e pavlefshme u dëmtua më tepër Partia Socialiste.

Lexo më shumë: Arbjan Mazniku: Pjesa më e madhe të votave të pavlefshme janë të PS-së

Lexo më shumë: Blendi Çeka: Votat e pavlefshme janë pasojë e gabimeve njerëzore të votuesve

I pyetur për këtë prirje dhe për rezultatin që pati projekti pilot i votimit elektronik, kryetari i KQZ-së Ilirjan Celibashi tha se ata do t’i shqyrtonin të gjitha rastet e votave të pavlefshme për të dalë në një përfundim të qartë, ndërsa projekti i votës elektronike rezultoi “sukses i plotë”.

Lexo më shumë: Celibashi: Do vlerësojmë shkaqet për votat e pavlefshme, votimi elektronik ishte sukses i plotë