Liverpool fiton betejën e kreut, The Reds mposhtën 2-1 Tottenham, marrin vendin e parë

Kur loja bëhet e fortë, janë të fortët ata që luajnë.

Liverpool konfirmoi edhe një herë se pavarësisht mungesave që e i kanë penalizuar jo pak, vijon të mbetet skuadra për t’u mundur në Premier League.

Një gjë të tillë, The Reds e treguan pikërisht atëherë kur duhej, përballë Tottenham në ndeshjen që vlente kreun e renditjes.

Një gol i Roberto Firminos në minutat e fundit vendosi suksesin për Liverpool që tashmë është në vendin ku i takon, në krye të kampionatit. Më herët ishte Slah që zhbllokoi shifrat, ndërsa barazoi përkohësisht Son për Sursat.

Në “Anfield Road” u zhvillua një sfidë me ritëm të lartë dhe intensitet, me Liverpoolin  dominues në të gjitha aspektet, ndërsa Tottenham e kishte përgatitur strategjinë për të goditur nëpërmjet kundërsulmit. Një skeme e vjetër kjo e Mourinhon që me sa duket tashmë është bërë e parashikueshme.

Ndërkohë që në Serinë A Interi afrohet me 1 pikë larg kreut të renditjes pas fitores 1-0 me Napolin.

 Milan vijon të humbasë terren pas barazimit 2-2 me Genoan.