Liverpool kërkon hakmarrje në Champions League, Bayern ‘miqësore luksi’ me Interin

Uefa Champions League rikthehet me 8 përballje interesante këtë të martë, pavarësisht se një pjesë e grupeve i kanë mbyllur llogaritë.

E vetmja katërshe në të cilin gara vendoset në ndeshjen e fundit të kësaj faze, është ajo e grupit D. Totenhemi, Sportingu, Frankfurti dhe Marseja do të njohin sot se cila prej tyre kalon më tej.

Kryendeshjet e mbrëmjes janë padyshim Bayern-Inter dhe Liverpul-Napoli. Bavarezët kanë siguruar kalimin në fazën me eleminim direkt, po ashtu dhe zikaltrit pasi mposhtën në përballjen e fundit Viktorja Pëlzenin.

Një fitore e mundshme e Interit nuk do të ndryshonte asgjë, ndërkohë që përballja vlen vetëm për prestigj.

Në të njëjtin grup, Barcelona përballet me Pëlzenin, katalanasit janë drejt rrugës për në Europa Lig. Edhe në grupin B gjithçka ka përfunduar, ku Klab Bryzh dhe Porto do të vijojnë aventurën.

Napoli-Liverpul është një përballje interesante, duke parë fitoren e thellë të napoletanëve në shtëpi në ndeshjen e parë 4-1. Të besuarit e Klop do të tentojnë të marrin hak sot në Anfilld, teksa do të luajnë pa 5 lojtarë të formacionit bazë.

LEXONI GJITHASHTU

• Në Itali e bëjnë fakt, Luigi Di Biagio në krye të kombëtares shqiptare
• Paul Pogba humbet Botërorin për shkak të dëmtimit, francezi nuk ia del për në Katar
• Napoli ‘blindon’ kreun, 8 fitore radhazi në kampionat