Liverpool “tregon muskujt”,  skuadra e Jurgen Klopp përmbys Arsenalin në “Anfield”

Liverpool arrin të fitojë dhe në takimin e javës së tretë të Premier League, ndaj Arsenalit të Mikel Artetës.

Kampionët në fuqi edhe një herë tjetër treguan se ata mbeten një skuadër e frikshme dhe në edicionin e ri, do të kwrkojnw të mbrojnë fronin e kampionit.

Të besuarit e Jurgen Klopp e panë veten në disavantazh pas 25 minutash lojë, por më pas “The Reds” morën frenat e lojës në dorë.

Mane, e Robertosn në pjesën e parë dhe Jota në fraksionin e dytë ishin autorët e golave përmbysën takimin e zhvilluar në “Anfield” e i dhanë skuadrës së Liverpool suksesin e tretë në po kaq ndeshje. Një fitore me shumë vlerë për të kuqtë, që mundin një prej rivalëve direkt që në start të sezonit, ndërsa japin një mesazh të qartë për të gjitha ekipet e tjera.

Në Serie A, java e dytë u mbyll me ndeshjen Bolonja-Parma, e cila përfundoi me rezultatin 4-1. Në këtë përballje mbrojtësi i kombëtares së Shqipërisë Kastriot Dermaku u aktivizua në minutën e 81-të.