Lojërat olimpike në Tokio, Shqipëria përfaqësohet me nëntë sportistë që garojnë për medalje

Shqipëria do të përfaqësohet në Lojërat Olimpike “Tokio 2020” me nëntë sportistë, të cilët do të garojnë në disa disiplina të ndryshme.

Luiza Gega dhe Izmir Smajlaj në atletikë, Briken Calja dhe Erkand Qerimaj në peshëngritje, Matvei Petrov në gjimnastikë, Manuela Delilaj në qitje,  Indrit Cullhaj në xhudo, si dhe Nikol Merizaj e Kledi Kadiu në not, do tentojnë që të bëjnë paraqitje sa më dinjitoze në Japoni, e pse jo të provojnë për të marrë medalje olimpike.

Lojërat Olimpike do të zhvillohen një vit me vonesë për shkak të pandemisë COVID-19 nën masa të rrepta sigurie. Olimpiada e këtij vitit do të zhvillohet nga data 23 korrik  deri më 8 gusht.