Lufta Izrael-Hamas/ Udhëheqësit e BE takohen në Bruksel, thirrje për ndihmë urgjente

27 vendet do të diskutojnë mundësinë e lëshimit të një thirrjeje të përbashkët për një “pauzë humanitare” për të lejuar më shumë ndihmë urgjente në Rripin e Gazës, ku situata po bëhet gjithnjë e më e rëndë pas më shumë se dy javësh sulmesh të përsëritura izraelite në hakmarrje për sulmet vdekjeprurëse nisur nga Hamasi në fillim të tetorit.

Mbi 50 kamionë që transportonin ndihma janë lejuar të hyjnë në Gaza përmes pikës kufitare Rafah me Egjiptin që nga e shtuna.

Mungesa e karburantit për gjeneratorët që mund të furnizojnë spitalet, furrat e bukës dhe shërbime të tjera thelbësore, duke përfshirë impiantet e shkripëzimit të ujit, është bërë fokusi i një shqetësimi të veçantë.

“Këshilli Evropian shpreh shqetësimin e tij më të madh për përkeqësimin e situatës humanitare në Gaza dhe bën thirrje për akses të vazhdueshëm, të shpejtë, të sigurt dhe të papenguar humanitar dhe ndihmë për të arritur ata në nevojë përmes të gjitha masave të nevojshme, duke përfshirë një pauzë humanitare”,-thuhet në versionin e fundit të draft konkluzionet e samitit.

“Këshilli Evropian dënon me termat më të ashpër të gjithë dhunën dhe armiqësitë kundër civilëve.”

Sipas Ministrisë së Shëndetësisë së Gazës, të drejtuar nga Hamasi, rreth 6,500 palestinezë janë vrarë që nga fillimi i luftës, duke përfshirë të paktën 2,000 fëmijë. Autoritetet izraelite thonë se mbi 1,400 qytetarë të saj u vranë nga Hamasi, ndërsa mbi 200 ende mbahen peng në Gaza.

Ndërsa numri i të vdekurve rritet, udhëheqësit e BE shpresojnë se “pauza humanitare” mund të ndihmojë në përshpejtimin e fluksit të ndihmës urgjente, si ushqimi, uji, kujdesi mjekësor dhe karburanti.

Përpara takimit të së enjtes, diplomatët diskutuan formulime alternative, si një “dritare humanitare” dhe një “armëpushim humanitar”.

LEXONI GJITHASHTU: 

• Trondit gjinekologu: Kam hasur shumë raste të përdhunimeve me dëmtime në organe
• “Militantë të sëmurë, trafikantë droge”, Klevis Balliu: Ja kush flet kundër Berishës