“Lufta në Ukrainë të përfundojë”, Trump njofton zhvillimin e një bisede me Putinin

Ish-presidenti amerikan, Donald Trump, ka njoftuar se të hënën do të zhvillojë një bisedë telefonike me presidentin rus, Vladimir Putin, me synimin për t’i dhënë fund luftës shkatërruese në Ukrainë.

“Do të flas në telefon me presidentin Vladimir Putin të Rusisë të hënën, në orën 10:00 të mëngjesit. Tema e thirrjes do të jetë ndalimi i ‘gjakmarrjes’ që po vret, mesatarisht, më shumë se 5000 ushtarë rusë dhe ukrainas në javë, si dhe çështjet tregtare”, shkroi Trump në një deklaratë publike.

Ai shtoi se pas bisedës me Putinin, do të kontaktojë edhe me presidentin e Ukrainës, Volodymyr Zelenskyy, dhe më pas, së bashku me të, do të zhvillojë takime virtuale me anëtarë të ndryshëm të NATO-s.

“Shpresojmë që do të jetë një ditë produktive, të ndodhë një armëpushim dhe kjo luftë shumë e dhunshme – një luftë që nuk duhet të kishte ndodhur kurrë – të përfundojë. Zoti na bekoftë të gjithëve”, përfundoi Trump.

LEXONI GJITHASHTU:

• Investime në Europë/ Dhëndri i Trump Jared Kushner zbulon projektin e ri në Shqipëri
• Lavrov dhe Rubio në bisedë telefonike, diskutojnë rezultatet e bisedimeve në Turqi