Lufta në Ukrainë, vriten 7 civilë në qytetin Bakhmut

Shtatë civilë u vranë dhe tre u plagosën ditën e djeshme në Bakhmut, një qytet në rajonin e Donjeckut në Ukrainën lindore, i cili ka qenë skena e betejave të ashpra me ushtrinë ruse për muaj të tërë.

Në dy vendbanime të këtij rajoni janë gjetur edhe tre trupa të civilëve të cilët ishin vrarë më herët, sqaroi guvernatori Pavlo Kirilenko.

Në shtator, ushtria ukrainase ka rimarrë mijëra kilometra katrorë në rajonet verilindore dhe jugore të vendit.

Që atëherë, luftimet janë përqendruar kryesisht në rajonet lindore, ndërsa vazhdojnë paralelisht rreth Khersonit në jug.

LEXONI GJITHASHTU:

• Nis Samiti i Ballkanit Perëndimor, Kurti tregon masat e marra për krizën ekonomike
• Bie shërbimi i WhatsApp, përdoruesit nuk kanë akses