Luigi Soreca mbështet ankimimin e ONM-së për Elisabeta Imerajn

Operacioni Ndërkombëtar i Monitorimit (ONM) ka ankimuar vendimin për konfirmimin në detyrë të kryeprokurores, Elisabeta Imeraj sepse sipas tyre nga verifikimi i tri shtyllave të vlerësimit, ajo ka rezultuar me probleme.

Për këtë çështje ka reaguar dhe ambasadori i Bashkimit Europian në Shqipëri, Luigi Soreca i cili ka mbështetur ankimimin e ONM-së.

“Mbështesim plotësisht rekomandimin e Vëzhguesve Ndërkombëtarë për apelim. Shpresojmë që Dhoma e Posaçme e Apelit të shqyrtojë çështjen me integritet dhe pavarësi për të siguruar që çështjet e rëndësishme të theksuara në rekomandimin për apelim të konsiderohen siç duhet”, – shkroi diplomati në llogarinë e tij në Twitter.

We fully support the International Observers’ recommendation for appeal. We look forward to the Special Appeal Chamber reviewing the case with integrity and independence to ensure that the significant issues highlighted in the recommendation for appeal are duly considered. https://t.co/cabWzuZ6gN

— Luigi Soreca🇪🇺 (@LSorecaEU) June 22, 2021

Po të njëjtin qëndrim mbajti më herët dhe ambasadorja e Shteteve të Bashkuara të Amerikës në Shqipëri, Yuri Kim duke theksuar se duhet treguar kurajë dhe integritet në procesin e vetingut në drejtësi në mënyrë që të thyhen modelet e vjetra në Shqipëri.

LEXONI GJITHASHTU: 

• ONM ankimon vendimin për konfirmimin në detyrë të Elisabeta Imerajt, reagon ambasadorja Kim
• Vettingu, KPK konfirmon në detyrë prokuroren Elisabeta Imeraj