Luis Enrique pranë drejtimit të Kombëtares së Brazilit

Trajneri spanjoll, Luis Enrique është kandidati kryesor për të marrë drejtimin e Kombëtares së Brazilit.

Sipas të përditshmes “Sport“, Enrique është kontaktuar nga Presidenti i Federatës Braziliane të Futbollit, Ednaldo Rodrigues, i cili sot është rikthyer në punën e tij, pas disa ditësh pushime.

Brazili ka mbetur pa trajner prej një muaji, që pas largimit të Tite, pasi ky i fundit nuk arriti të fitojë Kupën e Botës në Katar me skuadrën “Seleçao”.

Brazili ka vendosur t’ia besojë kombëtaren një trajneri të huaj dhe Luis Enrique është profili i duhur për këtë detyrë.

Bisedimet kanë disa javë që kanë nisur, ndërkohë që hera-herës janë përmenduar edhe emrat e Carlo Ancelotti apo Jose Mourinho.

LEXONI GJITHASHTU

• Messi merr ‘ofertën e çmendur’ nga Arabia Saudite, mund të zbresë Ronaldon nga froni
• Manchester City eleminohet nga Carabao Cup
• Jao Felix ‘braktis’ Atletiko Madridin, shkon në Premier League