Lyon triumfon ndaj PSG, disfata e 5-të për parizienët në Ligue 1

Skuadra e PSG-së po kalon një formë jo të mirë në kampionat, ku ka pësuar humbjen e dytë radhazi. Të besuarit e Galtier u shtangën në shtëpi nga Lyon, me këta të fundit të cilët triumfuan me rezultat minimal. Lacazette kishte mundësinë më të mirë të kalonte në avantazh Lyonin në pjesën e parë, duke shpërdoruar një penallti.

Me nisjen e fraksionit të dytë, një aksion i mirëorganizuar nga ofensiva e klubit të Lorent Blank solli golin me autor 20-vjeçarin Barcola. Fitorja e fundit e parizienëve në Ligue 1 është ajo ndaj Brestit më 11 mars.

Përballja mes Monacos dhe Strasbourgut ka prodhuar 7 gola, ndërsa vendësit fituan 4-3. Pjesa e parë u mbyll në favor të Strasbourgut, ndërsa Monaco përmbysi gjithçka në pjesën e dytë të takimit. Lille është ngjitur në vendin e 5-të në tabelën e klasifikimit pas fitores 3-1 në ndeshjen e së dielës.  Aktualisht në kampionatin francez mbeten dhe 9 javë për t’u luajtur, ndërsa skuadra e PSG po has problem në rrugën drejt titullit.