Macron i premton Hotit vizitë në Kosovë dhe takime për vizat

Presidenti i Francës Emanuel Macron i ka premtuar një vizitë zyrtare në Kosovë kryeministrit Avdullah Hoti. Gjatë një komunikimi online të zhvilluar sot, kryeministri Hoti e ka njohur presidentin francez me zhvillimet e fundit të Kosovës, si në çështjet e brendshme me arrestimet nga Gjykata Speciale, por edhe me hapat që po bëhen në procesin e dialogut Kosovë-Serbi.

Edhe Hoti, edhe Macron, u dakordësuan që të organizohet një takim i nivelit të lartë rreth ecurisë së procesit të dialogut, sipas formatit të Samitit të Parisit.

Lidhur me liberalizimin e vizave, Hoti tha se me Presidentin e Francës, kanë rënë dakord që gjatë ditëve në vijim, si pjesë e mekanizmave për verifikim, të zhvillohen takime në nivel të ekspertëve që do të pasoheshin me takimin në nivel politik midis ministrave të brendshëm të të dyja vendeve.